點解銀行批Loan咁緊，但財仔咁鬆？

相信大部份人都知道銀行貸款息口低，不過要提供一堆文件。而財仔就一張身份證就批，不過息就好高，但係你又知唔知點解呢？
其實其中一個原因係銀行由金管局去規管，而財仔既放債人牌照係由警察去規管。因為放債人牌照冇金管局咁嚴緊，所以申請貸款時好多文件都可以waive。
 

不過當文件越俾得少，放債風險就會相應增加，最簡單既解決辦法就係收貴D息。有D財仔甚至要求申請人提供諮詢人，目的係搵你屋企人幫手逼D唔還錢既債仔還錢。唔想有呢個情況，一係準時還錢，一係借銀行錢。
總知借錢總要還，還得到先好借。